Краткиот роман „Книжевна конференција“ е објавен во 1997 година и претставува спој на клучните елементи кои се во фокусот на творештвото на Сесар Аира: магичниот реализам, фантастиката, книжевната пародија, интертекстуалноста и (авто)иронијата. Сесар, главниот лик во романот, истовремено е писател, преведувач, генијален научник и специјалист за клонирање. Неговата генијалност ја опишува првата епизода од романот, напишана во манир на јужноамериканскиот магичен реализам, во која Сесар решава една неверојатна легендарна загатка и стекнува огромно богатство. Втората епизода од романот жанровски прескокнува во областа на научната фантастика кога Сесар решава да загосподари со светот така што ќе клонира еден славен мексикански писател.
Лесното движење меѓу жанровите, преплетувањето на приказните, инвентивноста во постапките на раскажувањето и луцидноста на суптилниот хумор, кои се забележуваат во „Книжевна конференција“, несомнено потврдуваат зошто Аира важи за еден од најинтригантните и најиновативните современи автори.
ДЕТАЛИ ЗА КНИГАТА
Едиција: Токати, фуги и други приказни
Наслов на оригиналот: El congreso de literatura / César Aira
Преведувачка: Катерина Јосифоска
Број на страници: 136
Повез: мек
Формат: 11×18 cm
Година: 2022
ISBN: 978-608-4852-59-9