Димитри Димитриевич очигледно направил некаква ужасна грешка, затоа што власта одеднаш почнува да се интересира за него, а неговото име станува предмет на потсмев и критика во весниците. Набрзо, околу неговиот дом ќе почнат да се врткаат полицајци и шпиони, неговите роднини и блиски пријатели преку ноќ исчезнуваат, а нема да помине долго време пред да следува и првиот разговор со Власта. И сето тоа поради една обична, речиси заборавена опера посветена на леди Макбет… Ќе поминат децении пред оспоруваниот, навредуван и исмеван Димитри Димитриевич да ги надмине кошмарните судири со власта, да го проголта понижувањето, да се помири со својата генијалност и да стане – Шостакович.

„Шумот на времето“ е роман за тиранијата, за уметникот во заробеното општество, за времето во кое молчењето (и музиката) е единствениот облик на критика, за цената на слободата и животите изгорени од пресилната светлина на Водачот. Моќно книжевно дело кое на шокантен начин го разобличува времето во кое живееме.

„’Шумот на времето’ е ремек-дело на Барнс.“
Observer

„Прекрасен хибриден роман, напишан во духот на руските класици, nо посветен на теми кои се неверојатно актуелни во денешното општество.“
The Times

„Барнс ја (пре)раскажува приказната за еден од најголемите судири помеѓу уметничката слобода и тоталитарната власт. ‘Шумот на времето’ е дело достојно на генијалноста на Шостакович.“
Guardian

Прочитај извадок

ДЕТАЛИ ЗА КНИГАТА
Едиција: Измислени светови
Наслов на оригиналот: The noise of time / Julian Barnes
Број на страници: 207
Повез: мек
Формат: 14×20 cm
Година: 2018
ISBN: 978-608-4852-01-8

Напишете коментар

Вашата адреса за е-пошта нема да биде објавена. Задолжителните полиња се означени со *