Во „Требаше да си одиш“ еден млад сценарист, заедно со својата сопруга и со петгодишната ќерка, оди во осамена планинска куќа за да го доврши сценариото за својот нов филм. Сосем неочекувано, младата брачна двојка поминува низ првата голема криза, но тогаш во куќата ќе почнат да се случуваат чудни работи поради кои одеднаш се изместува геометријата на реалноста…
Очигледно инспириран од култниот филм „Сјаење“ на Стенли Кјубрик (и истоимениот роман на Стивен Кинг), Даниел Келман вешто покажува како врвната книжевност може да ја обнови својата инспирација и свежина преку поигрувањето со жанровите.

„Иако најкраток, ‘Требаше да си одиш’ веројатно е најгусто и најдлабоко напишан текст на Келман, каде авторот прави спектакуларни резови од хумор до ужас и ги тестира границите на книжевноста.“ – The Standard

„Келман е волшебник на амбисот, вечно застанат на тенката граница меѓу вистината и фантастиката, од каде може да ѕирне во најскриените агли на потсвеста.“ – Berliner Zeitung

„’Требаше да си одиш’ е книга која нè потсетува колку големи можат да бидат малите уметнички дела.“ – Frankfurter Allgemeine Zeitung

ДЕТАЛИ ЗА КНИГАТА
Едиција: Токати, фуги и други приказни
Наслов на оригиналот: Du hättest gehen sollen / Daniel Kehlmann
Преведувачи: Катерина Шекутковска и Ана Кнежевиќ
Број на страници: 104
Повез: мек
Формат: 11×18 cm
Година: 2019
ISBN: 978-608-4852-09-4

Напишете коментар

Вашата адреса за е-пошта нема да биде објавена. Задолжителните полиња се означени со *